Mae ColegauCymru wrth ei fodd â lansiad Llywodraeth Cymru o’r Cynllun Gweithredu Gwrth-hiliol sydd wedi’i gynllunio i wneud Cymru’n genedl Wrth-hiliol. Bydd y cynllun yn cymryd agwedd gwrth-hiliaeth, gan werthuso'r ffyrdd y mae hiliaeth wedi'i gynnwys mewn polisïau, rheolau, rheoliadau a strwythurau.
Mewn partneriaeth â’r Grŵp Arweinyddiaeth Du (BLG), mae ColegauCymru wedi ymgysylltu â’r sector Addysg Bellach yng Nghymru i asesu’r sefyllfa bresennol o ran gwrth-hiliaeth. Gyda chefnogaeth Llywodraeth Cymru, mae’r bartneriaeth rhwng BLG a ColegauCymru wedi galluogi i ddeall sawl her sy’n wynebu’r sector, gan gynnwys casglu data, yr angen i adolygu’r cwricwlwm presennol a gweld sut y gellir gweithredu Pecyn Cymorth Diagnostig Cynllun 10 Pwynt BLG.
Dywedodd Stella Mbubaegbu CBE o Black Leadership Group,
“Mae’n wych gweld bod Llywodraeth Cymru yn cymryd camau difrifol i fynd i’r afael â’r materion o fewn y sector Addysg Bellach ac ar draws cymdeithas yng Nghymru yn ehangach. Rydym yn parhau i gael ein plesio gan y ffocws ar wrth-hiliaeth a'r angen i weithredu yn hytrach na geiriau yn unig”.
“Rydym yn falch iawn o weld gwaith pellach rhwng y Grŵp Arweinyddiaeth Du a ColegauCymru yn y cynllun heddiw ac edrychwn ymlaen at wneud cynnydd cyflym.”
Ychwanegodd Arweinydd Polisi a Materion Cyhoeddus ColegauCymru, Dr Rachel Bowen,
“Mae gweithio gyda’r Grŵp Arweinyddiaeth Du nid yn unig wedi helpu ColegauCymru i ddatblygu’r ffordd yr ydym yn ystyried datblygu polisi gyda ffocws mwy gweithredol ar wrth-hiliaeth ond mae wedi ein galluogi i weithio’n effeithiol gyda Llywodraeth Cymru i ddangos sut y gall y sector addysg bellach gefnogi yr uchelgais ar gyfer Cymru wrth-hiliol erbyn 2030.
“Mae’r sector yn frwd dros newid ac yn chwarae ein rhan i ddatblygu Cymru sy’n wrth-hiliaeth. Edrychwn ymlaen at barhau â’n partneriaeth hanfodol gyda’r Black Leadership Group.”
Gwybodaeth Bellach
Cysylltwch â Chyfarwyddwr Polisi a Materion Cyhoeddus ColegauCymru, Dr Rachel Bowen, gydag unrhyw gwestiynau. Rachel.Bowen@ColegauCymru.ac.uk
Datganiad i'r Wasg Llywodraeth Cymru
Gweinidogion yn amlinellu nodau i Gymru ddod yn Genedl Wrth-Hiliol
7 Mehefin 2022
Lansiad partneriaeth rhwng ColegauCymru a Grŵp Arweinyddiaeth Addysg Bellach Du
1 Hydref 2021
