Mae ColegauCymru yn falch o longyfarch Owen Evans ar ei benodiad yn Brif Arolygydd Addysg a Hyfforddiant Ei Mawrhydi newydd yng Nghymru.
Bydd Mr Evans yn cymryd lle'r Prif Arolygydd presennol Meilyr Rowlands, a fydd yn ymddeol ddiwedd Awst 2021, ac a fydd yn dechrau yn y swydd o fis Ionawr 2022.
Dywedodd Prif Weithredwr ColeguCymru, Iestyn Davies,
“Mae ColegauCymru yn edrych ymlaen at weithio gydag Owen a’r tîm addysg ôl-16 Estyn, i barhau â’r berthynas sydd wedi’i gosod ar sail mor gadarn gan Meilyr Rowlands.
“Yn ystod ei gyfnod deiliadaeth, mae Estyn wedi ymgysylltu’n adeiladol ac mewn partneriaeth â cholegau addysg bellach wrth ddatblygu dull o arolygu sy’n adlewyrchu amrywiaeth y dysgu a gynigir o fewn colegau a rhaglenni prentisiaeth. Bydd gan Estyn rhan bwysig i'w chwarae yn nyfodol addysg ôl-orfodol wrth bontio'r bwlch rhwng arolygu a hunan-wella, a'r systemau sicrhau ansawdd sy'n gysylltiedig â darpariaeth lefel uwch.”
Gwybodaeth Bellach
Datganiad i'r Wasg Llywodraeth Cymru
Cyhoeddi Prif Arolygydd newydd Estyn
22 Gorffennaf 2021
