Heddiw mae ColegauCymru wedi croesawu cyhoeddiad Llywodraeth Cymru i ohirio ailgyflwyno darpariaeth wyneb yn wyneb ar gyfer ysgolion a cholegau tan ar ôl yr egwyl hanner tymor.
Gan weithio ar y cyd gydag undebau llafur, rydym nawr yn galw ar y llywodraeth i wneud pob ymdrech i adolygu protocolau brechu i sicrhau bod staff rheng flaen addysg bellach yn cael eu blaenoriaethu yng Nghymru.
Dywedodd Cadeirydd ColegauCymru Guy Lacey,
“Rydym yn croesawu’n fawr yr eglurder a ddarperir yn y datganiad heddiw. Rydym yn cefnogi'r penderfyniad anodd a wnaed gan y Gweinidog a byddwn yn parhau i weithio'n agos gyda chydweithwyr i sicrhau bod iechyd a diogelwch dysgwyr a staff yn parhau i fod yn flaenoriaeth inni. Rydym nawr yn gofyn i staff rheng flaen gael eu blaenoriaethu ar gyfer eu brechu i'w galluogi i ddychwelyd yn ddiogel i ddarpariaeth a chefnogaeth addysg mewn colegau.”
Mae ColegauCymru wedi ymrwymo i weithio'n agos gydag undebau llafur i sicrhau bod gwelliannau parhaus yn cael eu gwneud i ddysgu cyfunol. Byddwn hefyd yn ceisio sicrhau'r ddarpariaeth orau bosibl i ddysgwyr sydd ag asesiadau cymwysterau galwedigaethol ac academaidd. Fel bob amser, bydd cryn ffocws ar ddiogelu dysgwyr yn ein gofal sy’n agored i niwed, lle byddwn yn cynnig cefnogaeth briodol yn ystod yr cyfnod heriol hyn.
Ychwanegodd Prif Weithredwr ColegauCymru Iestyn Davies,
“Rydym yn parhau i weithio’n agos gyda chydweithwyr y llywodraeth ac undebau llafur yn ystod yr amser anodd hwn ac i sicrhau y gellir cynnal asesiadau technegol a galwedigaethol hanfodol ac nad ydynt yn ôl-ystyriaeth.”
Gwybodaeth Bellach
Datganiad i'r Wasg Llywodraeth Cymru
Prif Weinidog Cymru: “Arhoswch gartref i achub bywydau”
8 Ionawr 2021
