Mae ColegauCymru yn falch o rannu manylion cyllid partneriaeth Cymru Fyd-eang, sydd â’r nod o feithrin cydweithrediadau rhyngwladol rhwng colegau a phrifysgolion Cymru mewn rhanbarthau blaenoriaeth dynodedig.
Mae'r fenter yn cynnig cyfle i sefydliadau Cymreig sicrhau hyd at £5,000 fesul prosiect gyda phrosiectau a fwriedir i sefydlu partneriaethau rhyngwladol cynaliadwy a hirdymor trwy gydweithrediadau tymor byr sy'n cael eu gyrru gan ganlyniadau.
Dywedodd Rheolwr Prosiect Rhyngwladol ColegauCymru, Siân Holleran,
“Mae’r fenter hon yn gyfle arwyddocaol i golegau Cymru wella eu hymgysylltiad byd-eang a meithrin cydweithrediadau rhyngwladol, effeithiol.
Rydym yn annog colegau addysg bellach o bob rhan o Gymru i fanteisio ar y cyfle hwn i adeiladu a chryfhau eu partneriaethau rhyngwladol, gan gyfrannu at y gymuned ddysgu fyd-eang a gwella canlyniadau addysgol.”
Gallai prosiectau cymwys ganolbwyntio ar feithrin gallu, mentrau addysgu ar y cyd, neu drefnu gweithdai, symposia, a digwyddiadau perthnasol eraill. Mae’r rhanbarthau blaenoriaeth ar gyfer y partneriaethau rhyngwladol hyn yn cynnwys:
- Yr UDA
- Canada
- Fietnam
- Karnataka, India
- Telangana, India
Gall sefydliadau wneud cais am gyllid drwy gyflwyno cynigion manwl sy'n cynnwys amcanion penodol, gweithgareddau, a chanlyniadau disgwyliedig y tu hwnt i sefydlu cysylltiadau cychwynnol yn unig. Anogir ceisiadau i alinio â meysydd diddordeb allweddol megis trawsnewid digidol, ynni gwyrdd a datgarboneiddio, amaeth-dechnoleg, diwydiannau creadigol, iechyd y boblogaeth, a deunyddiau a gweithgynhyrchu, ymhlith eraill. Fodd bynnag, croesewir prosiectau y tu allan i'r meysydd blaenoriaeth hyn hefyd.
Mae'r broses ymgeisio ar agor tan 14 Gorffennaf 2024, a disgwylir i brosiectau gael eu rhoi ar waith rhwng Awst a Rhagfyr 2024.
Gwybodaeth Bellach
Dylai’r sefydliadau â diddordeb gyfeirio at y Cylch Gorchwyl manwl i gael canllawiau llawn ar ofynion prosiectau ac amodau ariannu. Dylid cyflwyno ffurflenni cais wedi'u cwblhau a thempledi cyllideb i Bill Burson, Pennaeth Partneriaethau Cymru Fyd-eang, drwy e-bost at bill.burson@uniswales.ac.uk.
Am fanylion llawn a ffurflenni cais, ewch i dudalen ariannu partneriaeth Cymru Fyd-eang.
Siân Holleran, Rheolwr Prosiect Rhyngwladol ColegauCymru
Sian.Holleran@ColegauCymru.ac.uk
