Mae ColegauCymru yn falch o lansio cynllun newydd Cymraeg Gwaith+ sydd wedi’i deilwra ar gyfer staff mewn colegau addysg bellach sy’n awyddus i ddatblygu mwy o hyder i ddefnyddio’r Gymraeg yn y gweithle.
Pwrpas y sesiynau hyn yw newid arferion ieithyddol a chodi hyder siaradwyr, fel eu bod yn defnyddio’r Gymraeg pan fyddent fel arfer yn defnyddio’r Saesneg. Mae’r cwrs hwn wedi’i gynllunio ar gyfer staff sy’n dysgu Cymraeg ar lefelau Canolradd ac Uwch.
Yn y lle cyntaf, rhoddir blaenoriaeth i staff darlithio a staff sy'n cael dylanwad ar addysg dysgwyr. Rydym yn trefnu dau gwrs Cymraeg Gwaith+ eleni a fydd yr un yn cynnig 35 awr o ddarpariaeth dros gyfnod o 10 wythnos. Cwrs ‘Codi Hyder’ y Ganolfan fydd sylfaen y cynllun.
Disgwylir i’r cwrs cyntaf ddechrau yn nhymor yr Hydref, a bydd yr ail, ar gyfer grŵp gwahanol o ddysgwyr, yn dechrau yn nhymor y Gwanwyn.
Meddai Nia Brodrick, Cydlynydd Prosiect ColegauCymru Cymraeg Gwaith,
“Rydym yn falch ein bod wedi gallu ymateb i’r alwad gan y sector addysg bellach am y ddarpariaeth ychwanegol yma. Mae’n galonogol gweld cymaint o ddysgwyr eisiau gwella eu sgiliau Cymraeg yng nghyd-destun y gwaith maen nhw’n ei wneud.”
Gwybodaeth Bellach
Gwybodaeth Bellach Cymraeg Gwaith+
Cysylltwch â Nia Brodrick, Cydlynydd Prosiect Cymraeg Gwaith am ragor o wybodaeth.
Nia.Brodrick@colegaucymru.ac.uk
