Newyddion

Gyda phoblogrwydd pêl-droed merched yn uwch nag erioed a thîm hŷn merched Cymru yn paratoi ar gyfer Ewros 2025 yn y Swistir yn ddiweddarach eleni, mae colegau Addysg Bellach Cymru yn chwarae rhan hanfodol yn datblygu’r genhedlaeth nesaf o chwaraewyr dawnus. 

Bydd Carfan Pêl-droed Merched Colegau Cymru yn teithio i Rufain ar ddechrau mis Mawrth i gystadlu yn nhwrnamaint mawreddog Roma Caput Mundi. Gan gystadlu ar lefel dan 23, bydd y tîm yn wynebu timau cynrychioliadol o Ganada, Montenegro, a Lloegr yn y cymalau pŵl, gan ymuno â thimau eraill o garfanau rhanbarthol UDA, Canada, yr Wcrain a’r Eidal. 

Mae'r twrnamaint yn addo amserlen brysur a chyffrous, gyda thair gêm mewn pedwar diwrnod yn unig. Ochr yn ochr â phêl-droed, bydd chwaraewyr yn cael y cyfle i gymryd rhan mewn ymweliadau diwylliannol, gan gyfoethogi eu profiad rhyngwladol. Mae'r ymweliad yn cael ei ariannu'n rhannol gan Bwyllgor Rhanbarthol Lazio, gan sicrhau y gall chwaraewyr na fyddent efallai wedi cael y cyfle fel arall gymryd rhan yn y profiad anhygoel hwn.

Meddai Rheolwr Prosiect Lles Actif a Chwaraeon ColegauCymru, Rob Baynham 

“Mae hwn yn gyfle gwych i’n chwaraewyr ennill profiad rhyngwladol a phrofi eu hunain yn erbyn cystadleuaeth lefel uchel. Bydd yr amlygiad i wahanol arddulliau chwarae a dwyster pêl-droed twrnamaint yn amhrisiadwy ar gyfer eu datblygiad.” 

Bydd y garfan yn cael ei harwain gan y Rheolwr Tîm Sean Regan (Coleg Cambria) a’r Prif Hyfforddwr Claire O’Sullivan (Coleg y Cymoedd). Mae chwaraewyr wedi’u dewis o bob rhan o Gymru, gyda’r garfan derfynol wedi’i dewis yn dilyn treialon a gemau cynhesu yn erbyn Merched Pontypridd a Cholegau Lloegr. 

Carfan Pêl-droed Merched Colegau Cymru 2024 

• Molly France Coleg Cambria 
• Hannah Slack Coleg Cambria 
• Alisha Whitehead Coleg Cambria 
• Erin Harris Coleg Caerdydd a'r Fro 
• Katie Rowles Coleg Caerdydd a'r Fro 
• Quianna Wheeler Coleg y Cymoedd 
• Paige Parsons Coleg y Cymoedd 
• Ruby Medcraft Coleg y Cymoedd 
• Maddison Coles Coleg Caerdydd a'r Fro 
• Ward Paige Coleg y Cymoedd 
• Aimee Deacon Coleg Catholig Dewi Sant 
• Lucy Coles Coleg Catholig Dewi Sant 
• Sienna Stone Coleg Catholig Dewi Sant 
• Charlotte Smith Coleg Gwent 
• Megan Gladwyn Coleg Gwent 
• Ffion Evans Coleg Gwent 
• Phoebe Ellis Grŵp Llandrillo Menai 
• Lauren Payne Coleg y Cymoedd 
• Ruby James Coleg y Cymoedd 
• Catrin Edwards Coleg y Cymoedd 

Gan ddymuno pob lwc i'r garfan wrth iddynt ymgymryd â'r her yn Rhufain! 

Gwybodaeth Bellach 

Rob Baynham, Rheolwr Prosiect Lles Actif a Chwaraeon 
Rob.Baynham@ColegauCymru.ac.uk