Ein gweledigaeth yw addysg o'r radd flaenaf i Gymru. Ein cenhadaeth yw dangos gwerth addysg bellach i bob dysgwr, y gymdeithas a'r economi. Rydym yn ymfalchïo mewn darparu gwasanaethau o ansawdd uchel i'n rhanddeiliaid. Ond dim ond gydag ymrwymiad a gwaith caled ein tîm rhagorol o staff y gallwn wneud hyn.
Mae ColegauCymru yn cynnwys tîm bach o unigolion brwdfrydig a medrus ac mae gan y sefydliad brofiad helaeth yn y sector addysg bellach yng Nghymru.
Uwch Gynghorydd - Polisi a Phartneriaethau
Gwybodaeth Allweddol
Yn Adrodd i'r Prif Weithredwr
Cytundeb Llawn amser, cyfnod penodol tan 31 Gorffennaf 2026 (ystyrir rhannu swydd)
Cyflog £53,000 (pro rata)
Lleoliad Cyfuniad o weithio yn y swyddfa (Caerdydd) a gweithio gartref gydag o leiaf ddau ddiwrnod yn cael eu treulio yn y swyddfa neu mewn cyfarfodydd.
Dyddiad Cau Dydd Llun 5 Mai 2025
Trosolwg o’r Rôl
Bydd y deunaw mis nesaf yn cael effaith fawr ar lunio dyfodol addysg a hyfforddiant ôl-16 yng Nghymru. Bydd etholiadau ym mis Mai 2026 i Senedd fwy yn gweld deinameg newydd i wleidyddiaeth Cymru, tra bydd gwaith Medr, y rheoleiddiwr newydd ar gyfer y sector trydyddol, yn dechrau ail-lunio addysg bellach a dysgu seiliedig ar waith.
Mae'n hanfodol bod anghenion addysg bellach a dysgu seiliedig ar waith yn cael eu mynegi'n glir yn ystod y cyfnod hwn. Ar adeg o ansicrwydd ynghylch gwariant cyhoeddus yn y dyfodol a newidiadau i’r amgylchedd polisi a rheoleiddio, mae angen inni sicrhau bod llais y sector yn cael ei glywed ar y lefelau uchaf oll.
Mae’r rôl newydd hon yn gontract tymor penodol tan 31 Gorffennaf 2026 a bydd yn canolbwyntio ar gefnogi ein hymgysylltiad gwleidyddol yn arwain at yr etholiadau ym mis Mai 2026 ac ar eu hôl, ac ar gefnogi gwaith ymgysylltu â Medr wrth iddynt ymgymryd â chyfres o newidiadau i’r ffordd y caiff y sector ôl-16 ei reoleiddio.
Bydd gofyn i ddeiliad y swydd weithio’n uniongyrchol ac yn hyderus gydag uwch swyddogion y llywodraeth, Gweinidogion, pleidiau gwleidyddol, sefydliadau partner ac uwch arweinwyr yn y sector ei hun, yn ogystal â chynghori’r uwch dîm yn ColegauCymru ar sut i gyflawni strategaeth ymgysylltu effeithiol. Mae angen rhywun sydd â chefndir o wneud argraff gydag uwch wneuthurwyr penderfyniadau ac sydd â dealltwriaeth fanwl o wleidyddiaeth Cymru a'r gallu i feithrin perthnasoedd ar draws y pleidiau.
Mae’n hanfodol bod deiliad y swydd yn angerddol am y gwaith y mae colegau yn ei wneud a phwy sy’n deall yr effaith drawsnewidiol a gawn ar unigolion a chymunedau.
Mae'r rôl wedi'i chynllunio'n fwriadol i weithio ar draws y Tîm Polisi a Materion Cyhoeddus a'r Tîm Datblygu Strategol. Er y bydd yn adrodd yn uniongyrchol i'r Prif Weithredwr, bydd yn hanfodol eu bod yn gweithio'n agos gyda'r Cyfarwyddwr Polisi a Materion Cyhoeddus a'r Cyfarwyddwr Partneriaethau a Datblygiad Strategol.
Gweithio i ColegauCymru - Gwybodaeth Ychawnegol
Proses Ymgeisio
Anfonwch lythyr eglurhaol a CV sy'n dangos sut yr ydych yn bodloni'r meini prawf a nodir yn y Disgrifiad Swydd.
Dyddiad Cau
Dylid cyflwyno ceisiadau drwy e-bost i HR@colegaucymru.ac.uk dim hwyrach na 5.00pm ar 5 Mai 2025.
Cyfweliadau
Cynhelir cyfweliadau ar 13 Mai 2025 neu 19 Mai 2025, yn bersonol yn Nhongwynlais, Caerdydd. Os oes gennych unrhyw ymholiadau, anfonwch e-bost at HR@coleguacymru.ac.uk
Sylwch y bydd yr ymgeisydd llwyddiannus yn destun gwiriad gan y Gwasanaeth Datgelu a Gwahardd (DBS).
