Mae ColegauCymru yn falch iawn o ddathlu gyda dysgwyr o bob rhan o Gymru wrth iddynt dderbyn canlyniadau eu cymwysterau heddiw. Mae llwyddiant dysgwyr Cymru yn dyst i'w hymroddiad ac i ymrwymiad ein haddysgwyr.
Dywedodd Prif Weithredwr ColegauCymru, David Hagendyk,
“Llongyfarchiadau i bob dysgwr wrth iddynt dderbyn canlyniadau UG/Safon Uwch a chymwysterau galwedigaethol heddiw. Rydym hefyd yn anfon ein diolch diffuant at ein cydweithwyr addysg, rhieni a gofalwyr fel ei gilydd, sydd wedi cefnogi pobl ifanc wrth iddynt lywio’r cyfnod anodd hwn.
“Mae dysgwyr sy’n casglu eu canlyniadau heddiw wedi dangos gwydnwch anhygoel, a dylent fod yn falch o’u cyflawniadau. Gall eich coleg lleol, ochr yn ochr â Gyrfa Cymru, helpu pobl i lywio’r camau nesaf mewn addysg, prentisiaeth neu waith.”
Mewn blwyddyn arall sy’n llawn heriau ac ansicrwydd, yn bennaf oherwydd effaith y cynnydd mewn costau byw, mae dysgwyr wedi dangos eu gwydnwch a’u penderfyniad, a chymeradwywn eu hymdrechion ynghyd ag ymdrechion darlithwyr a staff y coleg, sydd wedi cydweithio i greu amgylchedd sy'n hwyluso llwyddiant.
Mae ein colegau yn falch o ddathlu gwytnwch dysgwyr wrth iddynt barhau adfeddiannu o effeithiau pandemig Covid19, wrth wneud yn siŵr eu bod yn cael y cymorth sydd ei angen arnynt i symud ymlaen yn eu taith ddysgu neu i symud i gyflogaeth.
Waeth beth fo’r canlyniadau heddiw, mae dysgwyr yn parhau i fod yn flaenoriaeth i’n colegau addysg bellach gyda gwasanaethau cyngor ac arweiniad wrth law yn awr i’w cynorthwyo i gymryd eu camau nesaf i ddyfodol disglair.
Gwybodaeth Bellach
Datganiad i'r Wasg Llywodraeth Cymru
Canlyniadau arholiadau: Ysgrifennydd y Cabinet dros Addysg yn llongyfarch myfyrwyr
15 Awst 2024
Cysylltwch â'ch coleg lleol am gymorth ac arweiniad
Lucy Hopkins, Rheolwr Cyfathrebu
Lucy.Hopkins@ColegauCymru.ac.uk
